புரிய வையுங்கள் டோண்டு சார்.

புரிய வையுங்கள் டோண்டு சார்.
கீழே வருபவை நீங்கள் உங்கள் பதிவில் எழுதியவைதான்.


சிங்கள ராணுவத்தாரால் ஈழத் தமிழர்கள் கொல்லப்படுவதை இங்கு நானோ சோவோ மறுக்கவில்லை. அதற்கு முக்கிய பொறுப்பு அப்பாவி மக்களை மனிதக் கேடயமாக பயன்படுத்தும் புலிகள்தான். அதை முதலில் மனதில் வைக்கவும்.

அன்புடன்,
டோண்டு ராகவன்

அவை அப்படியே இருக்கட்டும். ஈழத்தமிழர்கள் கொல்லப்படுவதை சோ ராமசாமி மறுக்கவில்லையென்பது இருக்கட்டும் நீங்கள் மறுக்கவில்லையென்பதில் மகிழ்ச்சியே. அப்பாவி மக்களை புலிகள் கேடயமாக பயன் படுத்துகிறார்கள் என்கிற உங்களது வாதத்திற்கே வருவோம். யுத்தம் என்றால் நீங்கள் இன்னமும் பதினெட்டாம் நுற்றாண்டு காலப்பகுதியிலேயே இருந்து கருத்தெழுகிறீர்கள் என்பது புரிகிறது .முதலில் ஒரு யுத்தம் பற்றி எழுதமுன்னர் குறைந்தபட்ச இராணுவ அல்லது ஆயுத அறிவை தெரிந்து கொண்டு எழுதத் தொடங்குவது நல்லது இல்லையெனில் பேசாமல் ஏதாவது மொக்கை போட்டு விட்டு போவது நல்லது. புலிகள் மக்களை கேடயமாக பயன்படுத்தகிறார்கள் என்றே வைத்துக்கொள்வோம். இன்றைய செய்திகளை நீங்கள் தொடர்து படிப்பீர்கள் என நம்புகிறேன். எல்லாச் செய்திகளையும் கவனியுங்கள் .எந்தச் செய்திகளிலும் புலிகள் மற்றும் சிறீலங்கா இராணுவத்திற்கும் நேரடியாய் எற்பட்ட நேரடி மேதல்களில் புலிகளின் செய்தி மட்டுமல்ல நீங்கள் உங்கள் உள்ளங்கைகளில் தாங்கி நிற்கும் இலங்கை இராணுவச் செய்திகளில் கூட வருவதில்லை. தமிழ்ப்பொது மக்களின் இழப்புச் செய்திகள் வான் தாக்குதல்களினாலும். எறிகணைத்தாக்குதல்களினாலும்தான் ஏற்படுகின்றது. ஒரு இடத்தினை இலங்கை இராணுவம் தாக்கி விட்டு முக்கிய புலிகளின் இலக்கு தாக்கப்பட்டுள்ளது என செய்தி வெளியிடும்பொழுது அங்கு இறந்தவர்கள் மட்டும் ஏன் பொது மக்களாக இருக்கிறார்கள். இலங்கை இராணுவத்தின் எறிகணைகள் வீழ்ந்து வெடிக்கிற இடங்களில் இறக்கிறவர்களும் பொதுமக்களாகத்தான் இருக்கிறார்கள். உங்கள் விவாதத்தின்படி மக்களை புலிகள் கேடயமாகப் படுத்தினால் ??( கேடயம் என்பதன் பொருள் உங்களிற்கு நான் புரியவைக்கத் தேவையில்லை. )புலிகளினுடனான நேரடி மோதல்களில் அப்பாவி தமிழர்கள் இறக்கமல். வான் தாக்குதல்களிலும் எறிகணைத்தாக்குதல்களிலும் இறப்பதன் காரணம். சிறீலங்கா போர் விமானங்கள் குண்டு வீசும் பொழுது புலிகள் அப்பாவித் தமிழர்களை வானத்தை நோக்கி தூக்கிப்பிடித்து வான் குண்டுகளைத்தடுக்கிறார்களா?? சிறீலங்கா இராணுவத்தின் எறிகணைகள் சீறி வரும்பொழுது ஒவ்வொரு அப்பாவித் தமிழனையும் வானத்தை நோக்கி வீசி எறிகணைகளை தடுப்பதால் அவர்களை கேடயமாக்கி தாங்கள் தப்பித்துக்கொள்கிறார்களா??ஈழத்தமிழன் என்கிற முறையிலும் இந்தியா எனக்கும் இராணுவப்பயிற்சி தந்தது என்கிற முறையிலும் எனக்கும் சிறிது இராணுவ மற்றும் ஆயுத அறிவு உள்ளது என்கிற முறையில்தான் கேட்கிறேன் புரியவைக்கவும் நன்றி.