ஈழத்தமிழருக்கு உதவிட இங்கிலாந்திலிருந்து கப்பல்

தினம் தினம் கொல்லப்பட்டுக்கொண்டிருக்கும் ஈழத்தமிழினத்தினை சர்வதேசமும் கைவிட்டுள்ள நிலையில் வெளிநாடுகளில் வாழும் புலம்பெயர் தமிழர்கள் ஒன்று சேர்ந்து ஒரு கப்பலில் ஒரு மருத்தவர்கள் அடங்கிய குழு ஒன்றுடன் அத்தியாவசிய மருந்துப் பொருட்கள் . உலர் உணவுப்பொருட்கள்.மற்றும் உடைகள் என்பவற்றினை சேகரித்து ஈழம் நோக்கி புறப்படதயாராகி வருகின்றனர்.

இந்த நடவடிக்கைக்கு ஒப்பரேஷன் "வணங்கா மண்" என பெயரிடப்பட்டுள்ளது. சட்டச் சிக்கல்கள், கடல் வழிப்பயண அனுமதி, பயணிப்பவர்கள், மாலுமிகள் மற்றும் சர்வதேச அங்கிகாரத்துடனான பாதுகாப்பு என்பன பூர்த்தியாகியுள்ள நிலையில் இக்கப்பலில் கொண்டு செல்ல உலர் உணவுப் பொருட்களை ஏற்பாட்டாளர்கள் புலம் பெயர் மக்களிடம் கோரி நிற்கின்றனர்.
மக்களிடம் என்னென்ன பொருட்களை எற்பாட்டாளர்கள் எதிர் பார்க்கின்றார்கள் என்கிற விபரம்.இலண்டனில் வெளியிடப்பட்டுள்ளது.

விபரங்கள் கிடைக்காதவர்கள் வெண்புறா அலவலகத்துடன் தொடர்பு கொண்டு விபரங்களை பெற்றுக் கொள்ளலாம். சேகரிக்கப் படும் பொருட்களின் விபரங்கள் பற்றிய பட்டியல் எனக்கு கிடைத்ததும் இங்கும் இணைக்கிறேன். கப்பல் இலங்கையை நோக்கி பறப்படும் என்பது தீர்மானமாகி விட்டது.. ஆனால் இலங்கையரசு இலங்கை கடல் எல்லைக்குள் அனுமதிக்குமா?? இல்லையா?? அல்லது தாக்குமா??என்பதனை காலமும் சந்தர்ப்ப சூழ்நிலைகளும் முடிவு செய்யட்டும்...நன்றி.