புலிகளின் சித்திரவதை முகாமிலிருந்து தப்பியதாக ரயாகரன் விடும் கரடி

.இதுவரைகாலமும் இவரது எழுத்துக்களை மட்டுமே படித்து இவரை பற்றிய ஒரு கற்பனையை வளர்த்து வைத்திருப்பவர்களிற்கும் இவர்யார் ஏன் புலிகள் கைது செய்தார்கள்.என்ன நடந்தது என்கிற உண்மையையும் எழுதிவிடுகிறேன்.ஈழத்தில் 1983 கலவரத்தின் பின்னர் யாழ் குடாவில் ஊருக்கொரு விடுதலை இயக்கங்கள் தோன்றியது எல்லோருமே அறிவார்கள்.

இரண்டு மூன்று இளைஞர்கள் சேர்ந்து கையில் ஏதாவது ஒரு ஆயுதமோ கொஞ்ச வெடி மருந்தோ கிடைத்துவிட்டால் போதும் தமிழீழம் அல்லது ஈழம் என்று பெயர் வருகிற மாதிரி ஒரு பெயரையும் தெரிவுசெய்து ஒரு இயக்கம் தொடங்கி விடுவார்கள்.இப்படித்தான் நெல்லியடியை சேர்ந்த விஸ்வானந்ததேவன் என்பவரும் இந்த ரயாகரன் மற்றும் வேறு சிலரையும் இணைத்து மார்க்சிய கொள்கைகளுடன் ஒரு இயக்கத்தை தொடங்கினார்.இவரது இயக்கத்தின் பெயர் தமிழ் தேசிய விடுதலை முன்னணி(N.L.F.T). இந்த இயக்கத்தை தொடங்கிய சில காலத்திலேயே விஸ்வானந்ததேவன் காணாமல் போய்விட்டார்.

பின்னர் இவர் இந்தியா செல்கிறபோது கடலில் இலங்கை கடற்படை சுட்டுஇறந்ததாகவும் இவர்களது இயக்கத்தினுள் ஏற்பட்ட உட்பூசலால் ரயாகரனே இவர் இந்தியா செல்கிற விடயத்தை இலங்கை இராணுவத்திற்கு வழங்கியதாகவும் பேச்சு அடிபட்டது.

ஆனால் இதுவரை என்ன நடந்தது என்கிற உண்மை சரிவர தெரியா விட்டாலும் விஸ்வானந்த தேவன் உயிருடன் இல்லை என்பது மட்டும் உண்மை. பின்னர் இந்த இயக்க தலைமைக்காக ராயாகரனிற்கும் மற்றவர்களிற்கும் நடந்த பிரச்சனைகளில் பலர் அதைவிட்டு வெளியேறி போய்விட ராயாகரனும் ஒரு சிலருமே மிஞ்சினார்கள்.பின்னர் 86 களில் யாழ் குடா புலிகளின் கட்டுபாட்டினுள் வந்த பின்னர் அப்போது மிஞ்சியிருந்த இயக்கங்களும் தடை செய்யப்பட்டு அவர்களிடமிருந்த ஆயுதங்கள் களையப்பட்டு அந்த இயக்கங்களால் கொள்ளையடிக்கபட்டிருந்த பொருட்கள் கடத்த பட்ட வானங்கள் என்பனவும் மீட்கபட்டது.

அப்படி ஆயுதங்கள் களையபட்டபோது சிலர் ஆயுதங்களுடன் தலைமறைவாகியிருந்தனர் அவர்கள் அந்த ஆயுதங்களை பாவித்து அவ்வப்போது பல குற்ற செயல்களிலும் ஈடுபட்தால் புலிகள் அப்படியானவர்களை தேடி கைது செய்து ஆயுதங்களை பறிமுதல் செய்தனர்.

86ம் ஆண்டளவில் மிகவும் பரபரப்பாக பேசப்பட்ட தெல்லிப்பளை துர்க்கையம்மன் ஆலய கொள்ளை மற்றும் யாழ் கற்றன் நசினல் வங்கிகொள்ளை என்பனவற்றை இந்த இயக்கமே செய்தது அதில் ரயா கரனும் பங்கேற்றிருந்தார்.அப்படித்தான் ராயாகரனும் அவர் சார்ந்திருந்த இயக்கத்தின் ஆயுதங்களை ஒப்படைக்காமல் மறைத்து வைத்திருந்ததாலும் மற்றும் அந்த இயக்கத்தினால் நடாத்தப்பட்ட சில கொள்ளைகளை பற்றியும் புலிகளால் கைது செய்யப்பட்டு விசாரிக்கப்பட்டு ஆயுதங்கள் மீட்கப்பட்ட பின்னர் விடுதலை செய்யப்பட்டார்.விடுதலையான இவர் இப்பொழுது செய்வது போலவே அன்றும் அய்யோ புலிகள் கொல்ல போகிறார்கள்.புலிகளால் தனது உயிரிற்கு ஆபத்து எனவே புலிகளிடமிருந்து தனது உயிரிற்கு உத்தரவாதம் வாங்கி தரும்படியும் யாழ் பல்கலைகழக ஆசிரியர்களிற்கும் மற்றும் மாணவர் அமைப்பிற்கும் தொடர்ந்து கடிதமெழுதிகொண்டிருந்தார்.

ரயாகரன் பலகலைகழக மாணவனாயிருந்த காரணத்தினால் யாழ் பல்கலைகழக சமூகம் புலிகளிடம் ரயாகரன் சார்பாக பேசி ரயாகரனிற்கு தங்களால் எவ்வித ஆபத்தும் இல்லையென உறுதிமொழி வழங்க கோரினார்கள்.
புலிகளும் அதன்படியே 1987ம் ஆண்டு யூலை மாத ஆரம்பத்தில் (திகதி எனக்குசரியாக ஞாபகத்தில் இல்லை) யாழ் பல்கலை கழக கைலாசபதி அரங்கில் அங்கு கூடியிருந்த ஆசிரிய மாணவர்களின் முன்னால் தாங்கள் சில விசாரணைகளிற்காகவே அவரை கைது செய்ததாகவும் ஆனால் ரயாகரனிற்கு தங்களால் இனிமேல் எவ்வித ஆபத்தும் இல்லைபகிரங்கமாகவே உறுதியளித்தனர். அதன் பின்னர் அந்த மேடையில் தோன்றிய ரயாகரன் புலிகள் தன்னை அடித்து சித்திரவதை செய்தனர் என்று புலிகளை பற்றி திட்டி தீர்த்து விட்டு எவ்வித அச்சுறுத்தலும் இன்றி அங்கிருந்து வெளியேறி பின்னர் யாழிலும் சுதந்திரமாகவேதான் திரிந்தார்.இரயாகரனை புலிகள் கைது செய்ய நினைத்திருந்தால் அவர் மேடையை விட்டு இறங்கியதும் அல்லது வெளியிலேயோ கைது செய்திருக்கமுடியும்.காரணம் பல்கலைகழகத்திற்கு மிக அருகிலேயே புலிகளின்இரண்டு முகாமும் இவரது வீட்டிற்கு அருகில் ஒரு முகாமும் இருந்தது.

அடுத்ததாக பிரான்சில்பொதுத் தேர்தல்களையடுத்து நடந்த கலவரங்களின்போது வாகனங்கள் கொழுத்தப்பட்டது இவரது வீட்டிற்கு அருகிலும் ஒரு வாகனம் கொழுத்தபடவே புலிக்கெதிரான சிந்து எங்கு பாடலாம் என திரிந்த இவரிற்கு சந்து கிடைத்துகிடைத்து விட்டிருந்தது.உடனே புலிகள் தன்னை கொல்ல சதி என்று சுதிபிசகாமல் பாடிவிட்டிருந்தார்.நான் வசிப்பதும் பிரான்ஸ் நாட்டில்தான் அதுமட்டுமல்ல பிரான்சின் பொது தேர்தல்நடந்து முடிந்து கலவரம் நடந்த இரண்டு நாட்களும் நான் பாரிசின் புற நகர் பகுதியான drancy என்கிற இடத்தில் ஒரு நண்பனின் வீட்டில்தான் நின்றிருந்தேன்.

அப்போது பரவலாகவே வாகனங்கள் கொழுத்தபட்டதால் வீதியோரத்தில் நிறுத்தப்பட்டிருந்த என்னுடைய வானத்தை யாரும் கொழுத்திவிட கூடாது என்கிறகவலை வேறு எனக்கு.

இப்படி பொதுவாக நடந்த ஒரு சம்பவத்தை ரயாகரன் உடனே தனக்கு சாதகமாக்கி புலிகள் மீது பழியை போட்டு காவல்துறையினரிடம் முறையீடும் செய்து அதனை செய்தியாக இவரை பேன்றே புலிக்காச்சல் பிடித்தவர்களினால் நடாத்தப்படும் இணைய தளங்களில் செய்தியாகவும் படங்களுடன் வெளியிட்டிருந்தார் இதுவரை பிரெஞ்சு காவத்துறையினரால் ஒரு புலி ஆதரவாளரும் கைது செய்யப்படவில்லை
85 நாட்கள் புலிகள் தன்னை நிர்வாணமாக்கி தலைகீழாய் கட்டித்தூக்கி அடி அடியென்று அடித்து மலசலம் கூட அப்படியே போன நிலையில் நித்திரை கொள்ள விடாமல் நீரும் உணவுமின்றி இருந்த நிலையில் 86 வது நாள் சிறையை உடைத்து தப்பி வந்ததாக இவர் எழுதும் கதை நன்றாகதான் இருக்கிறது.
ஒரு பத்துநாள் சாப்பாடு போடாமல் அடிச்சாலே ஒருதன் செத்திடுவான். ஆனால் இவரது கதைக்கு ஏற்றால் போல் நல்ததொரு பின்னணி இசையும் குடுத்து ஒரு பாட்டும் போட்டு கடைசியில் ஒரு நூறு புலிகளை தாக்கி சுட்டு தள்ளிவிட்டு சிறை மதிலை தாண்டி அகழியில் நீந்தி தப்பி வந்ததாக படமாக தயாரித்தால் இன்னொரு சில்வெஸ்ரர் ஸ்ராலோனின் ரம்போ படம் பாத்தமாதிரி இருக்கும்.மற்றவர் காதிலே பூவைக்கலாம் மிஞ்சி மிஞ்சி போனால் ஒரு பூமாலையை கஸ்ரபட்டு கட்டிதொங்க விடலாம் ஆனால் ஒரு பூந்தோட்டத்தையே எப்படிங்க வைக்க முடியும். இது உங்களிற்கே நியாயமா ராயா சார்???...